| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 5.440 | Joseph. BJ 5.446 (English) | >>Joseph. BJ 5.452 |
5.443οἵ γε τελευταῖον καὶ τὸ γένος ἐφαύλιζον τῶν Ἑβραίων , ὡς ἧττον ἀσεβεῖς δοκοῖεν πρὸς ἀλλοτρίους , ἐξωμολογήσαντο δʼ ὅπερ ἦσαν εἶναι δοῦλοι καὶ σύγκλυδες καὶ νόθα τοῦ ἔθνους φθάρματα .
5.444τὴν μέν γε πόλιν ἀνέτρεψαν αὐτοί , Ῥωμαίους δʼ ἄκοντας ἠνάγκασαν ἐπιγραφῆναι σκυθρωπῷ κατορθώματι καὶ μόνον οὐχ εἵλκυσαν ἐπὶ τὸν ναὸν βραδῦνον τὸ πῦρ .
5.445ἀμέλει καιόμενον ἐκ τῆς ἄνω πόλεως ἀφορῶντες οὔτʼ ἤλγησαν οὔτʼ ἐδάκρυσαν , ἀλλὰ ταῦτα τὰ πάθη παρὰ Ῥωμαίοις εὑρέθη . καὶ ταῦτα μὲν κατὰ χώραν ὕστερον μετʼ ἀποδείξεως τῶν πραγμάτων ἐροῦμεν .
ἦσαν δέ τινες καὶ τῶν μαχίμων οὐκέτι διαρκούμενοι ταῖς ἁρπαγαῖς , τὸ δὲ πλέον ἐκ τοῦ δήμου πένητες , οὓς αὐτομολεῖν ἀπέτρεπε τὸ περὶ τῶν οἰκείων δέος ·
5.448οὔτε γὰρ λήσεσθαι τοὺς στασιαστὰς ἤλπιζον μετὰ γυναικῶν καὶ παιδίων διαδιδράσκοντες καὶ καταλιπεῖν τοῖς λῃσταῖς ταῦτα οὐχ ὑπέμενον ὑπὲρ
-- τολμηροὺς δὲ πρὸς τὰς ἐξόδους ὁ λιμὸς ἐποίει , καὶ κατελείπετο λανθάνοντας τοὺς πολεμίους ἁλίσκεσθαι . λαμβανόμενοι δὲ κατʼ ἀνάγκην ἠμύνοντο , καὶ μετὰ μάχην ἱκετεύειν ἄωρον ἐδόκει . μαστιγούμενοι δὴ καὶ προβασανιζόμενοι τοῦ θανάτου πᾶσαν αἰκίαν ἀνεσταυροῦντο τοῦ τείχους ἀντικρύ .
| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 5.440 | Joseph. BJ 5.446 (English) | >>Joseph. BJ 5.452 |
